Wednesday, December 13, 2017

Аналитика

Mammoth Link

Дүү компани байгуулсан байгаа.
Тээвэр зуучын компанид хэдэн жил ажиллаж байгаад өөрийн бизнесийг нээсэн юм. Зах зээлийн шуурганд хөл дээрээ босох гэж тэмцээд л байх шиг байгаа юм зайлуул. Офистой болсон байсан :)
Дээрх зураг аль 8 сарынх, дөнгөж үйл ажиллагаа нь эхэлж байсан юм. Одоо бодвол поддонууд байхгүй байлгүй дэ. Тогтмол хэдэн харилцагчтай болсон, ганц хоёр том харилцагчтай ч болж байгаа сурагтай. Бор зүрхээр үзэж байгаа гэхэд чамлахааргүй.
FB: https://www.facebook.com/Mammothlink/
Web: http://mammothlink.mn

US Navy нисэгчдийн уран бүтээл

Sunday, December 10, 2017

Marcus beach, Victory park

Сайхан амарч авлаа.
Өглөө эрт Noosa Head-ыг зүгт хөдлөв. Marcus beach дээр хүн бага, цаг агаар усанд ороход их тааламжтай байв.
Өдөр тийш салхины эрч нэмэгдсэн чинь шүхэртэй серферүүд олширсон. 
Өдөр Victory park орж мах, зайдас шарж идчихээд эргээд далай орцгоов. Одоо 12, 1, 2 сард сайн далай орж амжихгүй бол цааш ус нь хүйтэрчихнэ. Тэгж байтал нутаг буцах болчихно, тиймээс хагас бүтэн сайн болгоныг алгасахгүй тэнэж байх зорилготой байгаа.
5 цаг орчим далайн эрэг дээр хэвтэж. 
Бүрэнхийтэй уралдаж гэртээ орж ирцгээлээ. 250 орчим км зам туулж.

Saturday, December 9, 2017

Sunday, December 3, 2017

Криптовалют

UPD 2017.12.03 08:08
Биткойн бүх рекордыг эвдсээр. Монголбанк маань сануулга гаргалаа. Зөв л дө, учир нь хэт хурдан өсч буй тогтолцоо төдий чинээ хурдан нурна, санхүүгийн пирамид шиг. Байнга өснө гэж юу байхав, нурах нь нурна, чухам хэзээ вэ, хэд хүртэл өсөөд вэ гэдэг нь сонин. Хүмүүс хөрөнгө оруулалт хийгээд байвал өссөөр байх болов уу гэж хувьдаа бодож байгаа, хар ухаанаар. Майнинг хийдэг биш, нарийн ширийнийг нь бол мэдэхгүй. 
Ямартаа ч криптовалют бол ирээдүй. Бүдүүлгээр тайлбарлавал: 2 хүн мөнгө, бараа солилцох бол яадаг вэ? Дунд нь банк зуучлагчийн үүрэг гүйцэтгэдэг. Тэгээд хүмүүс, байгууллага, улс орны хооронд зуучлал хийснийхээ, үйлчилгээ үзүүлснийхээ төлөө процент авдаг. Криптовалют энэ зуучлагчийг үгүй хийчихэж байгаа юм. Нэг хүний хэтэвчнээс шууд нөгөө хэтэвчрүү орно. Цааш үйл явдал хэрхэн өрнөхийг хараад сууж байхаас.

2017.07.13 18:02
Криптовалютын санаа нь их зөв. Гэхдээ түүнд нэг дутагдал бий - түүний үнэ байнга өсөж байдаг, тиймээс хүмүүс үрэх гэж яардаггүй. Хэд хэдэн том улс хоорондоо тохироод өөрийн криптовалют үүсгэвэл биткойны хувьд хэцүүхэн цаг ирнэ. Уг нь ямарч улсын хараа хяналтанд байдаггүй мөнгөн нэгж байна гэдэг нь өөрөө гайхалтай л да. 
Улс оронд хоёр төрлийн мөнгө яагаад байж болохгүй гэж: нэг нь аажуухан үнэ цэнээ алдаж байдаг (бидний хэвшиж дадсан мөнгө), харин нөгөөх нь зугуухан өсч байдаг (биткойн тухайлбал). Мөнгөө хадгалахдаа (тэтгэвэр, хадгаламж г.м.) хоёрдахийг нь ашигладаг байх жишээний. 
Өнөөгийн тэтгэврийн системийг цэвэр хульхидалт гэж би хувьдаа боддог. Бараг үндсээр нь өөрчилвөл таарна. Улс иргэнээсээ хөдөлмөр эрхлэх насанд нь татвар гувчуур аваад байдаг, аваад байдаг, тэгээд нөгөө хүн нас барахлаар тэрхүү хуримтлалыг нь халаасалчихдаг. Тэр болтол өлгөн салган амь зогооход ч хүрэхгүй тэтгэвэр өгвөл өгнө, байвал байна. Үүний оронд үнэ нь өсч байдаг криптовалютад хүний тэтгэврийн хуримтлалыг байрлуулъя! In open source we trust! Хэ-хэ.

Monday, November 27, 2017

Онцц Дүмд

За сүүлийн үед гарсан кинонуудаас, тэр тусмаа хүүхэлдэйн кино дундаас Рокит Бэйн бүтээлийг онцлох нь зөв. Үнэндээ л савааж байна, хэ-хэ. Бидний мөн төрхийг сайхан харуулж.