Wednesday, February 21, 2018

The Prodigy feat. Sleaford Mods - Ibiza

Hey Buddy, Can You Give Me a Hand?

UPD 2018.02.21 23:29 
Тест. 

Хэдийгээр робот ч гэлээ Бостон динамиксийн инженерүүд өшиглөж бариад, чирч гулдархаар нь өрөвдөөд байдаг ш дэ :'(

2018.02.14 20:55

Tuesday, February 20, 2018

Зэвсэгт халдлагын тухай

Сүүлийн үед халдлагууд тогтмол гарч байгаа. Тэсрэх бөмбөг дэлбэлдэг байсан бол хүн их цугларсан газарлуу том машинаар дайрч орох, сургууль, сүмд буудлага хийх нь ихэслээ. Цаашлаад улам л урьдчилан сэргийлэхэд бэрх арга замуудыг бодож олох нь гарцаагүй. 
Энд ядаж гэмгүй иргэдийг буудах явдлыг багасгахын тулд галт зэвсэгт хатуу хяналт тавих нь зөв гэж хувьдаа боддог. Буу зэвсгийн худалдааг дэмжигчид "хутга бариад л дайрна шүү дэ, тэгээд хутга хориглох уу" гэдэг. Хутга хориглохгүй нь ойлгомжтой, гагцхүү мэстэй хүн нэг дор хэдэн хүн бүрэлгэх билээ, автоматтай хүн хэдийг хороох билээ гэдгийг л бодолцох нь зөв. Ямар шашин шүтэх нь хувь хүний хэрэг, гэхдээ улс орондоо бид хууль дүрмээ тогтооно гэсэн төр засгийн хатуу бодлого л терроризмыг хязгаарладаг юм шиг санагддаг.

Monday, February 19, 2018

BBQ

UPD 2018.02.19 22:38
Би мах шараад зураг авч бариагүй. Гэвч дарсан хүн бас байнаа байна.
2018.02.18 18:37
Брисбен хотын дүүрэг болгонд парк бий, бараг парк болгонд нь BBQ area бас бий. Ирлээ, товч дарлаа, төмөр халлаа, мах юмуу зайдас шарж идлээ, цэвэрлэлээ, явлаа. Гэхдээ мах энгийнээр шарж идэх нь нэг зүйл, задгай гал дээр шарах нь ондоо зүйл юм. Харамсалтай нь хаа дуртай газар задгай гал түлээд байж болохгүй л дэ. Хэрэв манайх түрээсийн байшинд байсан бол бэкяарддаа галаа түлнэ үү, лаагаа иднэ үү хамаагүй. Даанч тусдаа байшинд биш орон сууцанд амьдарч байгаа болохоор арга байхгүй. 
Хэд хэдэн парк болон кэмпинг area-д задгай гал түлж болдог юм. Гэрээс 10 хүрэхгүй км-т хамгийн ойрхон нь. Тэнд шорлог, хорхог хийх бололцоотой гэсэн үг. Уг нь ойрхон амьдардаг байсан монгол айл мангаал, шор, битүү чанагч г.м. хорхог, шорлог хийхэд хэрэгцээтэй бүхэнтэй байсан юм. Даанч сая 1 сард нутаг буцчихсан. Тиймээс өнгөрсөн 7 хоногт зорин байж бүх шаардлагатай зүйлс худалдан авч өнөөдөр нэг юм махсаагаа гаргалаа )

Sunday, February 18, 2018

Saturday, February 17, 2018

Кино тойм

Сүүлийн үед гарсан кинонуудыг сайн үзэж байгаа. Онцгой халуун өдрүүдэд орой гэртээ бүгчимдэж сууснаас кинотеатрт 2-3 цаг болчихоод ирэхлээр дээр юм. Сүүлд үзсэн нь: Jumanji, The Commuter, Den of Thieves, Maze Runner г.м. Бас нэг ачийг нь хулгайлчихаад байхад сохор зоос гаргадаггүй тэрбумтан өвгөний тухай кино, нэрийг нь санахгүй юм. Яагаав, бодит түүх дээр үндэслэсэн, ачийнх нь чихийг шуудангаар илгээж орхидог. За тэр яахав.
Энэ бүх кино дундаас би нэг уран бүтээл онцгойлох гэсэн юм. 15:17 to Paris. Клинт Ийствуд зөнөөд юу найруулж орхисоныг би лав ойлгошгүй. Баримтат кино гэлтэй, гэхдээ хэд дахин уйтгартай. Трейлерийг нь үзэлгүй, үзэгчид юу бичсэнийг уншилгүй сохороор орсны гай. 
5 байна уу 6 дугаар ангид байхдаа ангийн найз Далайтай хичээлээ таслан байж Ялалтад "Тагнуулчийн дууль" (одоо болтол нэрийг нь мартаагүй!) гэдэг Хойд Солонгосын кино үзэж билээ цус. Нэрэнд нь болсон л до. Орчуулга байхгүй, солонгос хэл дээр. Кино эхлэхэд байлдаан гарсан боловч төд удалгүй нэг өвгөн яриад эхэлсэн. Яриад байдаг, яриад байдаг, солонгосоор шүү дэ. Ерөөсөө дурдатгалаа хуваалцаад байгаа юм. Далай бид хоёр "за ингэж байгаад нэг байлдах байлгүй дэ" гэж хүлээсээр байтал кино дуусаж билээ. Ийствудын кинонд нойр хүрээд нүд анилдаж байхад дээрх түүх өөрийн эрхгүй санаанд орж ирсэн дэ. Цаг хугацаа спираль хэлбэртэй, бүх зүйл давтагддаг гэдэг үнэн бололтой, хэ-хэ.

Wednesday, February 14, 2018

Плакатууд

Кинотеатрт.
Эмнэлэгэт. 
Барилга дээр. Нөхдүүд гараар мөр хооронд нэмж бичсэнийг унших хэрэгтэй ) 

VDay

Өмнөх жилийн пост: click!
Ноднин жил энэ өдөр интернэтээс олж харсан хамгийн инээдтэй зураг. Баяр тэмдэглэх хувилбарууд: